Në Berlin negociohen detajet e marrëveshjes për linjën hekurudhore Prishtinë-Beograd

12:25 | 24 Janar 2020

Detajet e marrëveshjes për linjën hekurudhore Prishtinë-Beograd, negociohen në Berlin.

Ambasadori Grenell ka shpjeguar se marrëveshja për linjën hekurudhore Prishtinë-Beograd është arritur në parim, dhe se tani mbetet puna e dakordimit të detajeve, dhe kjo do të nis prej të hënës, në Berlin, në nivel ekspertësh.

Ai i ka thënë “Kohës Ditore” se pas arritjes së marrëveshjes për linjën ajrore Prishtinë-Beograd, ky është një tjetër hap i rëndësishëm pozitiv, ndërsa ka thënë se pret që konkludimi dhe zbatimi i të dy marrëveshjeve të bëhet sa më parë që të jetë e mundur, por nuk ka dashur të jap data apo afate.

Ai ka thënë se pajtimin e palës kosovare e ka marrë gjatë takimeve në Prishtinë, por se lajmin nuk ka mundur ta bëjë publik pa e marrë edhe pajtimin e palës serbe në Beograd, dhe kjo është arsyeja pse lajmi u bë i ditur sot, nga Beogradi.

Komento: