Kategoria
Lajmet e fundit
13 °C

Në ditën e vdekjes së babait të saj, Besiana Kadare, e rikthen poezinë “Kohë e pamjaftueshme”

19:38 | 01 Korrik 2024
ne-diten-e-vdekjes-se-babait-te-saj,-besiana-kadare,-e-rikthen-poezine-“kohe-e-pamjaftueshme”

Besiana Kadare ka reaguar për vdekjen e babait të saj, shkrimtarit Ismail Kadare.

Ajo, në rrjetin social Facebook, e ka publikuar dhe e ka rikthyer një poezi të babait të saj, “Kohë e pamjaftueshme”.

Pos kësaj, ajo publikoi një fotografi të Kadresë, dhe në fund e shtoi një figurë me zemër të thyer.

Kohë e pamjaftueshme

S’kam kohë të harroj shumë gjëra
Që nga mendja ti nxjerr përjetë.
Për tragjikët e vjetër e shkrepëtimat
Do t’më duhen së paku dy vjet.

Dhe ndoshta po aq për Danten,
Për frëngjishten tok me plazhet po aq,
Ndoshta gratë do të jem duke fshirë
Kur muzgu do të afrohet ndërkaq.

Si udhëtari me peshë të tepërt
Para avionit që niset pas pak
I ngarkuar rëndshëm ende
Do t’afrohem tek varri humbak.

Nga supet si ta heq këtë barrë?
Ku ta hedh këte peshë, si?
Me të s’mund të zbres atje poshtë
Por as lart dot s’e lë kurrsesi.

I menduar gjer në çast të fundit
Nga mosthënia, nga pengu tragjik,
Një shenjë ndoshta të pakuptueshme
Do t’ju bëj të gjithëve e do ik.

Komento:
Lajme të tjera
ORAinfo
✕
© 2012 – 2024 ORA Info. Të gjitha të drejtat janë të rezervuara.

Rreth ORAinfo

Portali ORAinfo.net është themeluar në qershor të vitit 2012 nga një grup gazetarësh dhe redaktorësh, që të gjithë me përvojë të gjatë në mediat e Kosovës. Qëllimi i themelimit të portalit është ofrimi i alternativës në marrjen e informatave në mënyrë profesionale dhe në kohë sa më të shpejtë.

Materialet dhe informacionet në ORAinfo nuk mund të kopjohen ose të përdoren pa iu referuar burimit të portalit apo miratimin nga redaksia e ORAinfo.

Contact

IMPRESSUM
TEL : 044 / 911 100