Edhe një rast i ri me koronavirus në Premierligë.

Premierliga ka konfirmuar edhe një rast të ri me koronavirus nga faza më e fundit e testimeve masive për këtë sëmundje.

Në përgjithësi 1.541 teste u kryen në rundin e nëntë të testimit në Premierligë, të hënën dhe të martën, transmeton Gazeta Express.

Lojtari apo anëtari i stafit të klubit që është infektuar me Covid-19 do të detyrohet të vetizolohet për një periudhë kohore prej shtatë ditësh.

Liga elitare angleze nuk ka treguar se për lojtarin apo anëtarin e stafit të cilit klubet bëhet fjalë.

Po ashtu, deri tani asnjë klub nuk ka konfirmuar se i infektuari në fjalë vjen nga klubi i tyre përkatës.

Deri tani janë konfirmuar 17 raste me koronavirus në nëntë runde testimi masiv në Premierligë.

Komento:

	Komenti