Kryetari i Odës Ekonomike të Kosovës, Berat Rukiqi në një postim në Facebookun e tij është shprehur se shtetet të cilat po mbyllen prapë kanë siguruar fonde dhe buxhete për të përkrahur sektoret që po goditen nga pandemia.

Ai ka thënë se Kosova nuk ka as ligj bazik të rimëkëmbjes.

Rukiqi tutje thotë se çdo plan për masa kufizuese të reja duhet të përcjellet me zbatimin urgjent të Ligjit të Rimëkëmbjes dhe të sigurohen fonde shtesë për përkrahje të sektoreve më të goditura nga pandemia.

Në fund, shefi i OAK paralajmëron se Kosova mund të shkojë drejt kolapsit ekonomik.

Ky është postimi i plotë i tij:

Shtetet qe po mbyllen prape (ne teresi, apo pjeserisht), kane siguruar fonde dhe buxhete per te perkahur sektoret qe po goditen nga masat parandaluese anti-COVID.

E ne? As nje ligj bazik per rimekembjen, nuk po arrijme ta miratojme me jave te tera. Cdo plan per masa kufizuese te reja (nese shfaqet nevoja per to), duhet te percjellet me zbatim urgjent te Ligjit te Rimekembjes dhe me fonde shtese per perkrahje te sektoreve me te goditur. Ne te kunderten, KOLAPS.

Komento:

	Komenti