Zbulohet buxheti i transferimeve verore të Newcastle United, shokohen tifozët.

Mediat angleze besojnë se kanë zbuluar se sa është buxheti i Newcastle United për afatin e ardhshëm të transferimeve të verës.

Pas një sezoni mahnitës nën drejtimin e Eddie Howe, Newcastle siguroi një vend në Ligën e Kampionëve sezonin e ardhshëm.

Të mbështetur nga pronarët e tyre e udhëhequr nga Arabia Saudite, klubi anglez pritet të shpenzojë shumë për të ndërtuar një skuadër të aftë për të sfiduar në të gjitha frontet.

Deri më tani, klubi ka shpenzuar 250 milionë funte në tre afate kalimtare, duke shpenzuar shumë për lojtarë si Bruno Guimaraes dhe Alexander Isak.

Megjithatë, sipas mediumit Daily Mail, Newcastle do të ketë vetëm rreth 70-80 milionë funte apo nga 80-95 milionë euro për të shpenzuar këtë verë.

Është pohuar se llogaritjet aktuale të Fair Play Financiar nënkuptonin se buxheti i tyre është më i ulët se sa prisnin shumë njerëz.

Megjithatë, shitja e një numri lojtarësh të ekipit të parë do të ndihmojë në rritjen e buxhetit për të blerë lojtarë. Të tillë si Allan Saint-Maximin dhe Jacob Murphy janë lidhur me largime.

Fansat reaguan me shpejtësi ndaj lajmit në rrjetet sociale.

“Nuk jam tifoz i Newcastle, por kjo është një shaka. Ose kufizoni shpenzimet në mënyrë të barabartë, ose lërini të gjithë të shpenzojnë atë që kanë”, shkroi një tifoz në Twitter.

“Epo, nëse po shpenzojmë vetëm 75 milionë funte, atëherë presim një luftë për të mbajtur një vend në katërshe pasi do të jemi të zhveshur nëse nuk investojmë më shumë në skuadër”, shtoi një tifoz tjetër.

“Nëse është 75 milionë funte, pas shitjeve të Wood dhe Shelvey, askush nuk duhet të habitet nëse ndahemi me Allan Saint-Maxim tani” dhe “Nëse kjo është e vërtetë, ne do të bëjmë mirë të marrim top 10 sezonin e ardhshëm”, ishin disa nga komentet tjera.

Është raportuar se Newcastle po shikon nënshkrime në zona të ndryshme të fushës.

Lojtarët si James Maddison, Scott McTominay, Moises Caicedo, Kieran Tierney dhe Conor Gallagher janë lidhur të gjithë me një lëvizje në Saint James Park.

Komento:

	Komenti