
Sulmuesi i Paris Saint-Germain, Neymar ka thënë se është i vendosur të qëndrojë me kampionët francezë këtë verë, mes spekulimeve të fundit rreth të ardhmes së tij.
Reprezentuesi brazilian ka fituar katër tituj të Ligue 1 gjatë kohës së tij në kryeqytetin francez, por klubi është ende në pritje për të ngritur Ligën e Kampionëve, përcjell ORAinfo.

Skuadra e Ligue 1 gjithashtu besohet se është bërë gjithnjë e më e frustruar me sjelljen e Neymar jashtë fushës dhe ai është lidhur me një lëvizje në Premier League këtë verë.
Chelsea dhe Manchester City janë ndër klubet që vlerësohen me interes për amerikano-jugorin, por ai ka shprehur dëshirën të vazhdojë të përfaqësojë gjigantët e kryeqytetit./ORAinfo/