Prokuroria Themelore në Prishtinë, ka njoftuar se pas përfundimit të hetimeve ka ngritur aktakuzë kundër katër (4) të pandehurve për veprën penale “Vrasje e rëndë”.

“Sipas aktakuzës, me datë 26.03.2024 rreth orës 21:10 minuta në rrugën ‘’Butrinti’’, në Prishtinë, në bashkëkryerje privojnë nga jeta të ndjerin E.G., dhe Z.G., dhe me atë rast me dashje dhe vetëdije vejnë në rrezik jetën e personave të tjerë”, thuhet në njoftim, transmeton KosovaPress.

Sipas njoftimit i pandehuri L.H. ndodhet në masën e paraburgimit, ndërsa ndaj të pandehurve N.B., A.B. dhe K.G. është ngritur aktakuza në mungesën e tyre për shkak se ndodhen ende në arrati.

Prokuroria thotë se ka ndërmarrë të gjitha veprimet e nevojshme për sigurimin e prezencës së të pandehurve në procedurë, mirëpo të njëjtit ndodhen ende në arrati me qëllim shmangien e organeve të drejtësisë.