Luftimet mes Rusisë dhe Ukrainës po vazhdojnë.

Zyrtarët rusë kanë konfirmuar se zëvendëskomandanti i flotës ruse të Detit të Zi, kapiteni i rangut të parë Andrei Paly u vra në luftimet në Mariupol.

Vdekja e Paly u konfirmua fillimisht nga sekretari i kolegjit detar Nakhimov, Konstantin Tsarenko, në rrjetin social Vkontakte (VK).

Më vonë, një senator rus nga Sevastopol – baza e Flotës së Detit të Zi në
Krimenë e aneksuar nga Rusia konfirmoi vdekjen e Paly në një postim në VK.

Burimet ukrainase kanë raportuar për vdekjen e pesë gjeneralëve rusë në luftimet që shpërthyen me pushtimin e Rusisë më 24 shkurt. Rusia ka konfirmuar zyrtarisht vetëm një nga këto viktima – gjeneralin Andrei Sukhovetsky.

Luftimet e ashpra po vazhdojnë në Mariupol, një qytet port i goditur nga granatimet ruse, raporton BBC.

Komento:

	Komenti