Arrestohet një serb në Vërmicë, dyshohet për kontrabandën e katër migrantëve.

Policia e Kosovës ka arrestuar një qytetar serbe, 43-vjeçar, me pretendimin se mbi të njëjtin rëndon vepra e kontrabandës me migrantë.

Përmes një komunikate, policia ka bërë të ditur se gjatë një kontrolli të hollësishëm të kamionit në vijën e dytë, në bashkëpunim me Doganën, kanë hasur në një rimorkio brenda kamionit, kurse në të katër shtetas të huaj, përcjell lajmi.

“Gjatë procesit të regjistrimit dhe kontrollit të hollësishëm të kamionit në vijën e dytë, Policia e Kosovës në bashkëpunim me Doganën e Kosovës kanë hasur në rimorkio në brendësi, katër (4) persona shtetas të huaj. Lidhur me rastin është njoftuar prokurori kompetent, personat shtetas të huaj janë trajtuar sipas ligjit për të huajt, përderisa personi i dyshuar është ndaluar për 48 orë për proceduar të mëtejme ligjore. Policia e Kosovës mbetet e përkushtuar në menaxhimin dhe kontrollin efikas të kufirit shtetëror dhe parandalimin e veprave penale dhe kontrabandës në përgjithësi”, thuhet veç tjerash në njoftim.

Komento:

	Komenti