Një shqiptar është sulmuar nga disa persona të maskuar në veri të Kosovës.

Në videon të cilën e ka publikuar profesori Alban Zeneli, shihet teksa personat e maskuar po e sulmonin atë.

Videoja është incizuar të dielën rreth orës 22:00, në një rrugë në mes të lagjes “Tre rrokaqiejt”.

Megjithatë, Policia e Kosovës, përmes raportit 24 orësh e ka cilësuar rastin si kanosje.

Besim Hoti zëdhënësi i Policës së Kosovës për pjesë veriore të Kosovës ka thënë se ngjarja ka ndodhur të dielën e 4 dhjetorit të vitit 2022, ka qenë vetëm kanosje edhe hetimet Policisë së Kosovës janë duke vazhduar për t’i identifikuar personat e dyshuar.

“Patriota të Facebook-ut, linqit publik, e pishtarë të barazisë, në Kosovën tonë, në prag të vitit 2023, shiheni se si përndiqet një shqiptar në veri, i cili vrapon për ta shpëtuar kokën. Njerëzit që e sulmojnë janë të maskuar, ndërkohe që ka disa natë që sipas banoreve, në veri mbrëmjeve nuk ofron siguri askush”, ka shkruar në Facebook Zeneli.

VIDEO:

Komento:

	Komenti