Njihuni me plazhin shqiptar që po braktiset nga pushuesit – Ora Info Ballina | ORAinfo.com - Nuk ndalet
Lajmet e fundit
0 °C

Njihuni me plazhin shqiptar që po braktiset nga pushuesit

17:08 | 12 Korrik 2019

Shqipëria ende vazhdon të përballet me mungesë të energjisë elektike.

Jemi në mes të sezonit turistik dhe plazhi i Tales është krejtësisht i boshatisur. Shkak për këtë është bërë mungesa e energjisë elektrike e cila i ka detyruar pushuesit të kërkojnë për alternativa të tjera.

Kjo është zhurma me të cilën zgjohen çdo mëngjes pushuesit në plazhin e Tales. Energjia elektrike mungon dhe gjeneratorët janë e vetmja alternativë për bizneset e kësaj zone.

Këtë fakt e konfirmojnë edhe vetë pushuesit e paktë që mundëm të gjejmë në Tale.

Për kryetarin e njësisë administrative Shënkoll që ka nën administrim plazhin e Tales, kjo gjendje ka dëmtuar edhe bizneset. Administratori ka vënë në dijeni edhe drejtuesit e qarkut për këtë problem, e me gjithë premtimet për zgjidhje të kësaj situate gjendja vazhdon njësoj.

Por nga drejtoria e OSHEE-së në Lezhë, e mohojnë një fakt të tillë. Drejtori i OSHEE-së kalon përgjegjësinë tek Operator i Sistemit të Transmetimit që ka zgjedhur të bëjë ndërhyrje në rrjet, në pikun e sezonit turistik.

Sipas tij, edhe kur ka qenë nevoja për të ndërhyrë për riparime në rrjet banorët janë lajmëruar. Të kundërtën pretendojnë banorët.

E ndërsa institucionet ia kalojnë përgjegjësinë njëra-tjetrës, energjia vazhdon të mungojë dhe plazhi i Tales boshatiset çdo ditë e më tepër.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!