Nora dhe Roberti, edhe pse gjatë këtij viti i kanë dhënë fund marrëdhënies së tyre, duket se kanë zgjedhur ta lënë pas përkohësisht këtë kapitull dhe të fokusohen tek familja, duke kaluar pushimet dimërore së bashku.
Dyshja nuk është vetëm në këtë udhëtim, pasi shoqërohen edhe nga vajza e tyre, Renee, çka tregon se prioriteti kryesor për të dy mbetet mirëqenia dhe lumturia e saj.
Në ditët e fundit, Nora dhe Roberti kanë ndarë me ndjekësit e tyre në rrjete sociale disa pamje nga pushimet, të cilat kanë ngjallur menjëherë interes dhe reagime të shumta.
Ajo që ka rënë veçanërisht në sy është fakti se fotografitë dhe videot e publikuara prej tyre duken se janë realizuar në të njëjtën dhomë hoteli.
Detaje si arredimi, pamja dhe ambienti i brendshëm kanë qenë pothuajse identike, duke bërë që ndjekësit të arrijnë në përfundimin se ish-çifti po qëndron në të njëjtin ambient gjatë pushimeve.
Ky fakt ka mjaftuar për të ringjallur aludimet dhe spekulimet rreth një ribashkimi të mundshëm mes Norës dhe Robertit.
Komentet në rrjete sociale kanë qenë të shumta, ku fansat kanë shprehur shpresën se dyshja mund të ketë gjetur sërish gjuhën e përbashkët dhe të ketë lënë pas keqkuptimet që çuan në ndarje.
Këto dyshime janë forcuar edhe më shumë nga zërat e fundit që qarkullojnë, sipas të cilëve mes tyre ka pasur një afrimitet të ri, paqja është rikthyer dhe raporti mes Norës dhe Robertit është përmirësuar ndjeshëm.
Edhe pse asnjëri prej tyre nuk ka bërë ndonjë deklaratë të drejtpërdrejtë lidhur me statusin aktual të marrëdhënies, zgjedhja për të kaluar pushimet dimërore së bashku dhe për të ndarë momente familjare me vajzën e tyre shihet nga shumëkush si një sinjal pozitiv.
Nëse këto ditë të kaluara së bashku do të çojnë apo jo në një ribashkim zyrtar, mbetet për t’u parë, por një gjë është e sigurt: Nora dhe Roberti po tregojnë se, pavarësisht ndarjes, janë të gatshëm të bashkëpunojnë dhe të ruajnë një raport të shëndetshëm për hir të vajzës së tyre dhe ndoshta edhe për një kapitull të ri mes tyre./ORAinfo/
-2 °C
