Këngëtarja e njohur kosovare, Dafina Zeqiri, i është bashkuar thirrjes për pjesëmarrje në “Marshin për Liri”, i cili do të mbahet më 12 shtator në Prishtinë.

Përmes një postimi të bërë në rrjetet sociale, Zeqiri ka përcjellë ftesën për qytetarët, duke i inkurajuar që t’i bashkohen këtij organizimi dhe të jenë pjesë e marshit.

“Marshi për Liri” është organizuar me qëllim të përcjelljes së një mesazhi të mbështetjes dhe solidaritetit për çlirimtarët, ndërsa pjesëmarrësit pritet të mblidhen në kryeqytet për të shprehur qëndrimin e tyre përmes pjesëmarrjes në këtë aktivitet.

Ftesës për marshim i është bashkuar edhe Dafina, e cila përmes publikimit të saj ka bërë thirrje që qytetarët të marrin pjesë në këtë ngjarje.

Organizatorët kanë bërë të ditur se “Marshi për Liri” do të mbahet më 12 shtator, me fillim nga ora 14:00, ndërsa tubimi do të nisë nga sheshi “Skënderbeu” në Prishtinë.

Pjesëmarrja në këtë marsh pritet të jetë e gjerë, me qytetarë që do t’i bashkohen thirrjes për të përcjellë mesazhin e tyre në mbështetje të çlirimtarëve.

Përmes përfshirjes së saj, Dafina Zeqiri u ka bërë jehonë thirrjeve për pjesëmarrje, duke e vendosur edhe emrin e saj në mesin e figurave publike që kanë zgjedhur të mbështesin këtë organizim.

Marshi do të zhvillohet në qendër të Prishtinës dhe pritet të mbledhë qytetarë nga qytete të ndryshme të Kosovës, të cilët do të marrin pjesë në këtë aktivitet të paralajmëruar për 12 shtator./ORAinfo/

Komento:

	Komenti