Një çift i moshuar është gjetur pas një kërkimi 32-orësh, pasi ishte larguar nga qendra e kujdesit ku jetonte, pasi dyshohet se nuk ishte i kënaqur me qëndrimin aty.

Colin Geraghty, 89 vjeç, dhe bashkëshortja e tij Claudette, 83 vjeçe, u larguan nga Ryman Nellie Melba Retirement Village në juglindje të Melburnit, Australi, rreth orës 11:15 të së shtunës, raporton Mirror, transmeton Klankosova.tv.

Çifti më pas shkoi në qendrën tregtare Glenn Shopping Centre, ku bleu ilaçet e tyre, përpara se të largohej rreth mesditës me makinën e tyre të bardhë, një Mazda 2 e vitit 2015.

Alarmi u dha nga fqinja e tyre, Sharon Jeikishore, e cila tentoi t’i kontaktonte gjatë pasdites, por nuk mori përgjigje. Edhe vajza e çiftit, Linda McKelvie, ishte e shqetësuar, pasi babai i saj vuan nga Alzheimeri, ndërsa nëna e saj jeton me demencë vaskulare dhe ka probleme me kriza.