Koronavirusi po vazhdon të përhapet me shpejtësi në gjithë botën.

Në një deklaratë të Organizatës Botërore të Shëndetit thuhet se aktualisht nuk ka ‘asnjë provë’ se njerëzit që janë shëruar nga coronavirusi dhe kanë antitrupa, janë të mbrojtur nga një infeksion i dytë.

Agjencia e Kombeve të Bashkuara paralajmëroi kundër lëshimit të ‘pasaportave të imunitetit’ ose ‘certifikatave se nuk përbën rrezik’ për njerëzit që ishin të infektuar, duke thënë se praktika në të vërtetë mund të rrisë rrezikun e përhapje, meqë mund të injorohen këshillat standarde, transmeton Telegrafi.

Deri më tani, testet e antitrupave ishin konsideruar çelësi për t’i nxjerrë vendet nga bllokimi, duke ua mundësuar ekspertëve që të kenë një pamje më të qartë të madhësisë së vërtetë të shpërthimit të coronavirusit.

Vendimi kundër lëshimit të ‘pasaportave të imunitetit’, vjen pas paralajmërimit të Kilit, se do t’i pajisë me këto dokumente, të gjitha ata që e kanë mposhtur coronavirusin dhe kanë fituar antitrupa.

“Derisa shumica e njerëzve mund të kenë prodhuar antitrupa ndaj coronavirusit për shërimin e tyre, nuk dihet nëse prania e këtyre antitrupave në gjak është e mjaftueshme për të ndaluar një infeksion të dytë. Varet nga niveli i antitrupave, dikush mund të ketë nivel shumë të ulët të antitrupave dhe mund të sëmuren sërish”, thuhet në deklaratën e OBSH-së.

Sipas deklaratës së kësaj organizate, thuhet se deri më 24 prill të këtij viti, nuk ka asnjë evidencë, se ata që janë shëruar me coronavirus, nuk mund të sëmuren sërish me këtë sëmundje.

Komento:

	Komenti