Agjenti i mesfushorit të Bordeaux, Jean Onana, ka zbuluar se marrëveshja me AC Milan nuk është përfunduar, por pranoi se ideja e një lëvizjeje drejt Serie A është joshëse.

Igor Campedelli – agjenti i Onanës – është intervistuar nga kanali Tëitch i Calciomercato dhe ka folur për të ardhmen e klientit të tij.

“Jean është i destinuar për majat. Me Milanin nuk është bërë asgjë konkrete, gjithçka mund të ndodhë. Liga italiane e magjeps, ai di gjithçka. Ai dhe Adli janë miq, flasin shpesh me njëri-tjetrin. A ka optimizëm? Klubet duhet të gjejnë një marrëveshje, ndërkohë ne presim”, ka thënë agjenti i lojtarit, përcjell ORAinfo.

E fundit nga L’Equipe thotë se Onana tashmë ka dhënë miratimin e tij për idenë për t’u bashkuar me Milanin dhe gjithçka mund të rregullohet shumë shpejt. Dikush i afërt me negociatat me sa duket u tha atyre se një marrëveshje është ‘jo larg’.

Bordeaux besohet se kërkon një tarifë fikse prej 6 milionë euro plus 1 milion euro bonuse dhe më pas një përqindje të të ardhurave nga një rishitje e mundshme në të ardhmen. /ORAinfo/

Komento:

	Komenti