Osmani zotohet se nuk do të lejojë që politika të ketë hise në biznes – Ora Info Ballina | ORAinfo.com - Nuk ndalet
Lajmet e fundit
0 °C

Osmani zotohet se nuk do të lejojë që politika të ketë hise në biznes

16:32 | 04 Shtator 2019

Kandidatja për kryeministre nga Lidhja Demokratike e Kosovës, thotë se duhet t’i jepet fund praktikave ku shteti ka hise në biznese, teksa ka bërë të ditur se shumë shpejt do të finalizohet lista e kandidatëve për deputetë nga radhët e kësaj partie.

Ajo gjatë një vizite te Parku i Bizneseve në Drenas tha se këto biznese duhet të kenë barazi para ligjit.

“Është kënaqësi që sot vizitojmë bizneset e suksesshme, të cilat janë krenaria e këtij vendi. Ne si LDK gjithnjë kemi dëshmuar se jemi miq të bizneseve, jo vetëm nëpërmjet përkrahjes që i kemi dhënë me pako fiskale me mundësi tjera që të eliminohen barrierat procedurale, por mbi të gjitha besojmë thellësisht se këto biznese kanë nevojë për barazi para ligjit. Barazia para ligjit është parakushti themelor që edhe të eliminohen monopolet edhe të eliminohen skemat korruptive”, ka thënë Osmani.

Ajo tha se duhet të eliminohet çdo pengesë dhe barrierë për bizneset.

“Do t’i japim fund praktikave ku shteti ka hise në biznese”, tha ajo.

Kandidatja e LDK-së për kryeministre tha se nesër do të ketë draftin e parë të listës së deputetëve, derisa më datën 6 shtator do të finalizohet lista e kandidatëve për deputetë nga radhët e kësaj partie.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!