Anulohen 2 mijë e 800 fluturime në SHBA

Linjat ajrore kanë anuluar mijëra fluturime për të shtunën pasi një stuhi dimërore me erëra të forta dhe shumë borë parashihet të përfshijë qytetet kryesore në Bregun Lindor të SHBA-së.

Sipas FlightAware, më shumë se 2 mijë e 800 fluturime, brenda ose jashtë Shteteve të Bashkuara janë anuluar të shtunën, dhe qendrat e Bregut Lindor janë më të prekurat.

Derisa më shumë se 1 mijë anulime u regjistruan të premten me më të shumtat në Chicago O’Hare.

Sipas parashikimeve 75 milionë njerëz nga Juglindja në New England mund të përballen me borë të madhe dhe erëra që i afrohen intensitetit të uraganit me potencialin për të ndërprerë energjinë, përmbytje në zonat bregdetare dhe dëmtime në udhëtim.

Stuhia pritet të shkaktojë një goditje të dyfishtë reshjesh të dendura bore dhe erërash të forta në të gjithë pjesët e verilindjes, por ndikimi i saktë në të gjithë rajonin mbetet në pikëpyetje, shkruan CNN, transmeton Klankosova.tv.

“Kjo stuhi ka të ngjarë të forcohet me një ritëm dhe me një intensitet, të barabartë me uraganet më të fuqishme, kështu që potenciali i nivelit të lartë të kësaj stuhie nuk mund të mbivlerësohet. Por me lindjen e Pashkëve, si në pronat e paluajtshme, gjithçka do të varet nga vendndodhja, ” tha meteorologu i CNN, Brandon Miller.

Moti dimëror dhe rritjet e rasteve me Omicron bënë që të anulohen 20 mijë fluturime në SHBA gjatë sezonit të udhëtimeve e të pushimeve. Rritja e udhëtimit, shkurtimet e personelit gjithashtu lanë linjat ajrore me më pak punonjës sesa kishin para pandemisë

Komento:

	Komenti