Kjo javë pritet të karakterizohet nga mot relativisht i qëndrueshëm, me intervale me diell të alternuara me vranësira të herëpashershme.

Sipas Institutit Hidrometeorologjik të Kosovës, në fillim të javës temperaturat do të jenë pranë mesatareve klimatike për këtë periudhë, ndërsa nga mesi i javës pritet një rritje graduale e tyre, duke sjellë mot më të ngrohtë.

Nga dita e mërkurë deri të enjten parashihen kushte për zhvillimin e vranësirave konvektive, të cilat në disa zona mund të shoqërohen me riga shiu, shtrëngata afatshkurtra dhe shkarkime rrufesh.

Të hënën** do të mbajë mot kryesisht me diell dhe vranësira të pakta. Temperaturat minimale do të lëvizin ndërmjet 12°C dhe 15°C, ndërsa maksimalet nga 24°C deri në 27°C. Era do të fryjë nga veriperëndimi me intensitet të lehtë deri mesatar.

Të martën** pritet mot kryesisht me diell, me kalime të herëpashershme të vranësirave. Temperaturat minimale do të jenë nga 10°C deri në 13°C, ndërsa maksimalet do të arrijnë nga 26°C deri në 30°C. Era do të fryjë nga perëndimi dhe veriperëndimi me intensitet të dobët deri mesatar.

Të mërkurën** paraditja do të jetë me diell dhe mot të ngrohtë, ndërsa gjatë pasdites pritet shtim i vranësirave. Vende-vende mund të ketë riga shiu, shtrëngata lokale dhe shkarkime rrufesh. Temperaturat minimale do të lëvizin nga 11°C deri në 14°C, ndërsa maksimalet nga 28°C deri në 32°C. Era do të fryjë nga jugperëndimi, me përforcime të përkohshme gjatë zhvillimit të shtrëngatave.

Të enjten** moti do të jetë pjesërisht i vranët me intervale me diell. Në disa zona do të ketë ende mundësi për riga lokale shiu dhe shkarkime rrufesh, kryesisht gjatë orëve të pasdites. Temperaturat minimale do të lëvizin ndërmjet 11°C dhe 16°C, ndërsa maksimalet nga 26°C deri në 30°C. Era do të fryjë nga veriperëndimi me intensitet të lehtë deri mesatar.

Të premten** pritet stabilizim gradual i motit. Do të mbajë mot kryesisht me diell dhe vranësira të pakta. Temperaturat minimale do të jenë ndërmjet 11°C dhe 15°C, ndërsa maksimalet do të lëvizin nga 28°C deri në 32°C. Era do të fryjë nga veriperëndimi me intensitet të dobët deri mesatar.