Partitë politike e veçmas ato opozitare po shprehen të gatshme për zgjedhjet e reja parlamentare.

Krejt çfarë po kërkojnë tashmë është që kryeministri aktual, Albin Kurti të jep dorëheqje dhe të hapet rruga për zgjedhje të reja.

Lëvizja Vetëvendosje janë të bindur se do të fitojnë prap mbi 50% të votave dhe se nuk kanë nevojë për ndonjë koalicion qoftë para apo pas zgjedhor.

 

Deputetja e VV-së: Jemi gati, do t’i fitojmë mbi 50% në zgjedhje – s’kemi nevojë për koalicione parazgjedhore

Deputetja nga Lëvizja Vetëvendosje, Fitore Pacolli, thotë se puna e mirë që ka bërë Qeveria e udhëhequr nga Albin Kurti, do t’ia mundësojë atij që t’i fitoj prap mbi 50% të votave.

 “Si LVV jemi të gatshëm me shku në zgjedhje dhe tash i keni deklaratat edhe të kryeministrit edhe të kryetarit të Kuvendit edhe të deputetëve të tjerë. Kur do që vendoset VV është e gatshme për të shkuar në zgjedhje. Ne nuk kemi nevojë për koalicione parazgjedhore sepse do t’i fitojmë mbi 50% të votave. Puna e mirë që ka bërë Qeveria Kurti, grupi i deputetëve të VV-së, ka bërë që të mbahet përkrahja qytetare’’, thotë Pacolli për Front Online.

Ndërkaq sa i përket kandidaturës së PDK-së për kryeministër, ajo thotë se nuk shohin rrezik.

‘’Ne e kemi mbështetjen e 50% qytetarëve, nuk shoh rrezik nga kandidatura e Bedri Hamzës’’, tha Pacolli për Front Online.

 

Gjoshi i PDK-së: I ftojmë edhe partitë tjera ta përkrahin Bedri Hamzën për kryeministër

 

Betim Gjoshi nga PDK, për FrontOnline thotë se kandidati i tyre për kryeministër, Bedri Hamza,  është më i respektueshëm në shoqëri e madje ai kërkon përkrahjen edhe të partive tjera politike që Hamza të jetë Kryeministër i ardhshëm i Kosovës.

‘’Zoti Hamza është një person që është i respektuar në shoqëri më gjerë se sa PDK-ja edhe besoj se do ta fitoj mbështetjen edhe votuesve të partive tjera atyre të VV-së, e LDK-së e të AAK-së, të tjerave dhe kish qenë mirë që edhe ato t’i ofrojnë mbështetje një kandidati tillë i cili besoj që me bagazhin që ka na garanton se do të na ofron një qeverisje të mirë dhe do ta kthej Kosovën në binar, sepse ne kemi një degradim të Kosovës në të gjitha fushat’’, shprehet Gjoshi për FrontOnline.

PDK-ja si parti politike nuk është se ka vija të kuqe për ndonjë parti politike për koalicione.

Për PDK-në koalicionet parazgjedhore nuk është se kanë lënë shije të mirë por që për koalicionet paszgjedhore do të afroheshin me partitë që kanë një koncept properëndimor.

‘’PDK asnjëherë nuk ka ndërtuar politika me vija të kuqe, ne kemi kandidat për kryeministër dhe do të ndërtojmë një ekip i cili do të jetë më i miri prej partive politike në Kosovë dhe jemi të dallueshëm me partitë tjera, nuk është se kemi ndonjë shije të mirë prej këtyre koalicioneve parazgjedhore, por paszgjedhore gjithë ato parti që kanë një koncept properëndimor dhe që kanë interesin e Kosovës si interes parësor do të gjejmë gjuhën e përbashkët’’ thekson Gjoshi nga PDK.

 

Muhaxheri i LDK-së: Albini të jep dorëheqje meqë u lodhë nga stresi, s’kemi vija të kuqe për askënd

 

Nënkryetari i LDK-së, Gazmend Muhaxheri për FrontOnline thotë se meqë kryeministri Kurti është lodhur nga punët dhe nga stresi, le të jep dorëheqje dhe të shkohet në zgjedhje.

‘’ Ne kemi dhënë një qëndrim të qartë që nga kryetari dhe nga kryesia, nëse do me u dorëheq e që po do me u tërheq, le të jep dorëheqje shkojmë në zgjedhje. Meqë u lodhë nga punët dhe angazhimet dhe ka stresi, le të jep dorëheqje e shkojmë në zgjedhje pastaj zgjedhjet e përcaktojnë fatin e ardhshëm të Kosovës’’, thotë Muhaxheri.

LDK-ja koalicion parazgjedhor nuk do të bëjnë me askënd, derisa koalicionet paszgjedhor varen nga rezultati zgjedhor.

‘’Ne nuk i konsiderojmë as të fortë e as të butë, ne e kemi kandidatin tonë. Për parazgjedhor nuk besoj se do të kemi koalicion me askënd, për pas-zgjedhor nëse dalim të parët nuk kemi vija të kuqe me askënd, nëse dalim të dytët me të parin nuk bëjmë koalicion’’, deklaroi Muhaxheri për FrontOnline

Muhaxheri thotë se vetë fakti që partitë opozitare po vendosin kandidatë për kryeministër nga fusha e ekonomisë, i bie se qeverisja aktuale ka degraduar.

‘’Vallahi qaty është problemi prej qeverisjes së keqe vendi shkon duke degradu, por më vonë e kuptojnë e tash duhet me i kthy njerëzit që merren me ekonomi dhe që e mendojnë këtë punë për të ardhmen e vendit dhe zhvillimi ekonomik është ai që i bën njerëzit me jetu në këtë vend’’, përfundon Muhaxheri për FrontOnline.

 

Lekaj: Jemi të gatshëm t’i ofrojmë nënshkrimet për rrëzimin e Qeverisë Kurti, Kosova po humbë me këtë pushtet

 

Nga AAK shprehën të gatshëm për zgjedhje të reja. Ata thonë se janë të parët që kanë kërkuar zgjedhje të reja.

Nënkryetari i parë i kësaj partie, Pal Lekaj, në një prononcim për FrontOnline thotë se kanë kërkuar rrëzim të kësaj Qeverie, por që nuk kanë pasur përkrahje nga partitë tjera.

“AAK është partia e parë që ka kërkuar zgjedhje të reja dhe rrëzim të kësaj qeverie, por që nuk kemi pasur mbështetje nga partitë tjera dhe akterët tjerë brenda vendit. Alternativa jonë kryesore mbetet mocioni i mosbesimit nga AAK për rrëzimin e Qeverisë në mënyrën më të shpejtë të mundshme. Por, si alternativë të dytë, ne jemi në gjendje të ofrojmë nënshkrimet për shpërbërjen e Kuvendit, vetëm atëherë kur publikisht Kryeministri të jep dorëheqje nga mos aftësia për menaxhim, funksionim e zhvillim të shtetit të Kosovës’’, thotë Lekaj.

Më tej, nënkryetari i AAK-së thotë se si alternativë e kanë edhe shpërbërjen e Kuvendit të Kosovës, ku janë të gatshëm të i ofrojnë nënshkrimet e deputetëve të tyre.

‘’Por, si alternativë të dytë, ne jemi në gjendje të ofrojmë nënshkrimet për shpërbërjen e Kuvendit, vetëm atëherë kur publikisht Kryeministri të jep dorëheqje nga mos aftësia për menaxhim, funksionim e zhvillim të shtetit të Kosovës’’, thekson Lekaj për FrontOnline.

Për partinë opozitare AAK-në, çdo ditë që Kosova udhëheqë me këtë pushtet, është humbje për shtetin

‘’Fatkeqësisht, kryeministri vazhdojë me demagogji e tallje duke provokuar me alternativat se si të shkojmë në zgjedhje, edhe pse e din që ne si opozitë nuk i kemi numrat dhe forcën politike për të rrëzuar Qeverinë. Çdo ditë që kalon me këtë pushtet, është humbje për shtetin, institucionet dhe të ardhmen e vendit’’, u shpreh Lekaj/FrontOnline/

 

Komento:

	Komenti