Kryetari i Komunës së Gjilanit, Lutfi Haziri ka thënë se për herë të parë pas 14 muajve në këtë komunë nuk është asnjë pacientë me COVID-19 në mjekim intensiv.
Ai tutje ka shtuar se 14 pacientë që po trajtohen janë në gjendje stabile.
“Lajm shumë i mirë. Pas 14 muajve nga rasti i parë pozitiv me COVID-19, për herë të parë nuk e kemi asnjë pacient të shtrirë në Mjekim Intensiv në Spitalin e Gjilanit. Ndërkohë, që 14 pacientë që po trajtohen janë në gjendje stabile”, ka njoftuar Haziri.
Ai ka apeluar qytetarët që të vazhdojnë me kujdes në respektim të masave “për një Gjilan pa COVID”.