Lopetegui favorit për kreun e skuadrës së La Liga.
Mund të jetë ende e lidhur me Spanjën e ardhmja e ish-trajnerit të Spanjës dhe Real Madrid, Julen Lopetegui.
Lajmin e ka njoftuar “Estadio Deportivo”.
Sipas të njëjtit burim, aventura e Quique Setien në drejtim të Betis Sevilla ka arritur në finish dhe kandidati kryesor për ta zëvendësuar është pikërisht ish-portieri me eksperiencë në drejtimin e përfaqësueses spanjolle, sikurse dhe në dështimin me Real Madrid në fillim të sezonit.
Media iberike konfirmon se drejtuesit e Betis Sevilla janë përqendruar te Lopetegui si i preferuari për të udhëhequr ekipin e tyre.