Pas gati dy vitesh, ish-presidenti i Kosovës, Hashim Thaçi do të vizitohet në Hagë nga prindërit e tij, pasi që nga ajo periudhë po mbahet në paraburgim nën akuzat për krime lufte.

Lajmi.net me burime merr vesh se prindërit e ish-presidentit, Haxhi e Hyra Thaçi, do ta vizitojnë atë sot.

Sipas këtyre burimeve, ata do të qëndrojnë për në kryeqytetin e Holandës deri në orën 16:00.

Dëshirën për ta takuar të birin, e kishin theksuar edhe gjatë vizitës së Edi Ramës, kryeministër i Shqipërisë, në Burojë të Skenderajt.

Ndërkaq mbrëmë, vizitën e prindërve të Thaçit e ka konfirmuar edhe Ismail Syla, ish-këshilltar i ish-presidentit.