Pas rinovimit me Inter, ja çka kërkon tani Skriniar – Ora Info Ballina | ORAinfo.com - Nuk ndalet
Lajmet e fundit
0 °C

Pas rinovimit me Inter, ja çka kërkon tani Skriniar

21:16 | 16 Maj 2019

24-vjeçari e ka shijuar një sezon të mrekullueshëm për gjigantin italian.

Qendërmbrojtësi i Interit, Milan Skriniar, ka folur për InterTV pas rinovimit të nënshkruar me klubin zikaltër deri në vitin 2023.

Milan Skriniar e ka rinovuar kontratën e tij me Interin, duke i dhënë kështu fund spekulimeve për të ardhmen e tij, pas interesimit të Manchester Unitedit dhe Real Madridit.

24-vjeçari e ka shijuar një sezon të mrekullueshëm për gjigantin italian, për të cilët i ka bërë 44 paraqitje në të gjitha garat këtë sezon.

Paraqitjet e tij kanë bërë që ai të vlerësohet si njëri ndër qendërmbrojtësit më të mirë momentalisht në Evropës.

Paraqitjet e sllovakut në Serie A e kanë tërhequr vëmendjen e shumë klubeve të mëdha evropianë gjatë muajve të fundit, përfshirë këtu edhe Real Madridin, që raportohej se e kryesonte garën për transferimit e Skriniarit.

“Jam shumë i lumtur për rinovimin, doja të falënderoja klubin dhe tifozët për besimin që më japin gjithmonë. Kam nënshkruar personalisht pasi ndërpreva bashkëpunimin me menaxherin e mëparshëm”, ka thënë sllovaku.

“Emocioni më i madh që kam përjetuar? Vitin e kaluar jemi kualifikuar në Champions, edhe pse gjërat nuk kanë shkuar mirë. Besoj se gëzimi më i madh këtë vit do të jetë kualifikimi, por na mungon një fitore. Do të ishte një dhuratë e bukur dhe mund ta arrijmë”.

“Napoli? Ndeshjet kundër tyre janë gjithmonë të bukura, të hapura. Ne duam të fitojmë për të siguruar Champions-in pa qenë e nevojshme të presim ndeshjen e fundit në shtëpi. Duhet të japim gjithçka për të fituar”, ka përfunduar Skriniar.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!