Fillimisht kërkoi t’i zvogëlohet paga. Tani kryetari i Kuvendit të Kosovës, Kadri Veseli ka dalë edhe me një kërkesë tjetër.

Në një letër drejtuar Komisionit për Administratë Publike, Qeverisje Lokale dhe Media, ai rekomandon që beneficionet që përfitojnë pozitat e larta shtetërore pas përfundimit të mandatit, të vlejnë vetëm pas moshës 65 vjeçare dhe jo siç është deri tash, menjëherë pas përfundimit të mandatit.

Aktualisht personat që bartin pozitat e larta shtetërore, e ku hynë edhe posti i tij, kur përfundojnë mandatin marrin beneficione, pothuajse të njëjta sikur kur mbajnë pozitën.

“Në funksion të strukturimit të pagave dhe privilegjeve për zyrtarët e lartë shtetërorë, në cilësinë e Kryetarit të Kuvendit propozoj që të bëni ndryshime të rëndësishme sa i përket përfitimeve për zyrtarët e lartë shtetërorë, pasi që ata të kenë përfunduar mandatin. Në këtë kuptim, propozoj që zyrtarët e lartë shtetërorë: Kryetari/ja e Kuvendit, Kryeministri/ja dhe Kryetari/ja e Gjykatës Kushtetuese, Prokurori/ja e Shtetit dhe Kryetari/ja e Gjykatës Supreme përfitimet që gëzojnë pas mandatit, t’i gëzojnë vetëm pas moshës 65 vjeç, dhe jo menjëherë pas përfundimit të mandatit”, ka shkruar Veseli në letrën e tij.

Komento:

	Komenti