Pedri ia siguron fitoren Barcelonës ndaj Celta Vigos.

Barcelona ka regjistruar fitoren e shtatë radhazi për të vazhduar edhe kryesimin në La Liga.

Pas barazimit që kishte regjistruar në javën e parë, skuadra e drejtuar nga Xavi hyri në seri të fitoreve radhazi – teksa ende nuk ka humbje në këtë sezon në elitën e futbollit spanjoll.

Sonte, në ndeshjen e vlefshme për javën e tetë, Barcelona fitoi me mjaft vështirësi ndaj Celta Vigos.

Ndeshja e zhvilluar në “Spotify Camp Nou” përfundoi me rezultatin minimal, 1:0.

Golin e vetëm dhe të tre pikëve për Barçën e shënoi Pedri, në minutën e 17-të.

Barcelona pas kësaj fitore ka 22 pikë dhe është lidere në tabelë, por me pikë të njëjta me Real Madridin.

Kurse, Celta Vigo ndodhet në pozitën e 11-të me 10 pikë.

Komento:

	Komenti