45 mijë e 925 euro për furnizim me pemë për nevojat e ushtarëve të Forcës së Sigurisë së Kosovës.

Kaq është vlera e tenderit që u finalizua të marten më 19 nëntor.

Sipas dokumentit të publikuar në E-Prokurimi, kompania fituese del të jetë “Beni Dona”.

Vlera fillestare e tenderit ishte 50 mijë euro, derisa vlera më e lartë ishte 69 mijë e 650 euro.

“AK i MM, ka për qëllim që të lidh një kontratë me një OE, që do të ketë kapacitet të kryej Furnizim me pemë për nevojat e FSK-së. Realizimi i kontrates duhet të bëhet sipas specifikimit teknik të kërkuar dhe TeR të përcaktuar në dosjen e tenderit dhe ne njoftimin per kontrate. Qëllim i relazimit të kesaj kontratë është ngritja e operacionalitetit dhe efikasitetit ne kryerjen e detyrave sipas misionit të MM-së dhe FSK-se”, thuhet mes tjerash në kontratën e publikuar.

Ndryshe çështja e furnizimit me ushqim të ushtarëve të Kosovës ishte ndër temat më të përfolura kohëve të fundit.

Komento:

	Komenti