Për dhjetë muaj nga janari deri në tetor të këtij viti, në Kosovë kanë lindur 22 mijë e 418 fëmijë.

E vazhdojnë të prijnë me numër meshkujt. Pasi që gjatë kësaj periudhe lindën 11 mijë e 651 meshkuj dhe 10 mijë 767 femra.

Duke u bazuar në të dhënat e Agjencisë së Statistikave të Kosovës (ASK) vetëm në muajin tetor janë regjistruar 2 367 lindje të ndodhura në Kosovë dhe jashtë saj. Prej tyre meshkuj 1 212 dhe femra 1 155. Krahasuar me muajin shtator 2024 ka një barazim të numrit të rasteve të lindjeve, pasi dhe në këtë muaj linden 2370 fëmijë. Prej tyre 1251 meshkuj dhe 1119 femra.

E në muajin gusht kanë lindur 2346 fëmijë. Ndërsa në korrik numri i fëmijëve të lindur është 2,442. Në qershor lindën 2,370, në maj 2,300 dhe në prill lindën 2,036 fëmijë. Ndërkaq në mars lindën 2,042, në shkurt 1,929 dhe në janar 2,216 fëmijë.