Përfaqësuesi i KOSTT-it, Evetar Zeqiri, pas një takimi me ministren e Ekonomisë, Artane Rizvanolli, ka thënë se nuk ka mungesë të energjisë elektrike në vend.

Ai shpjegoi se, megjithëse ka një ngarkesë të madhe në rrjet, kjo ka çuar në arritjen e kapacitetit maksimal të sistemit të energjisë elektrike.

Zeqiri shtoi se KESCO-ja, si përgjegjëse për furnizimin me energji, është duke importuar energjinë e munguar, ndërkohë që KOSTT-i po shfrytëzon të gjitha kapacitetet balancuese me Shqipërinë. Ai shtoi se prodhimi i energjisë është në nivelin maksimal, me katër blloqe në funksion dhe një bllok të papunësuar.

“Pra, nuk bëhet fjalë për mungesë të energjisë, por për ngarkesë që ka arritur kufirin maksimal të rrjetit,” u shpreh Zeqiri.

Komento:

	Komenti