Përfundon ndeshja, Barcelona-Valencia, ky është rezultati – Ora Info Ballina | ORAinfo.com - Nuk ndalet

Përfundon ndeshja, Barcelona-Valencia, ky është rezultati

20:46 | 02 Shkurt 2019

Barcelona është ndalur nga Valencia.

Barcelona ka barazuar me rezultat 2-2 ndaj Valencias në ndeshjen e zhvilluar në Camp Nou në kuadër të javës së 22-të në La Liga.

Skuadra e Ernesto Valverdes është ndalur me barazim nga Valencia pas shtatë fitoreve radhazi në kampionat.

Pjesa e parë u karakterizua me lojë më të mirë të katalunasve, por ishin mysafirët që shënuan dy gola, kundrejt vetëm një të vendasve.

Goli i parë i ndeshjes erdhi në minutën e 24-të dhe ishte Kevin Gameiro, i cili shënoi për epërsinë 0-1.

Valencia arriti të befasojë Barcelonën duke gjetur edhe golin e dytë me anë të Dani Parejo (32′), që ishte i saktë nga pika e bardhë për 0-2.

Barcelona arriti të kthehet në lojë në minutën e 39-të dhe ishte Lionel Messi që shënoi gjithashtu nga pika e bardhë për të ngushtuar epërsinë në 1-2.

Messi shënoi me lehtësi nga pika e bardhë (Foto: Alex Caparros/Getty Images/Guliver)

Në pjesën e dytë ishte përsëri Barcelona që luajti dhe krijoi raste më shumë, por nuk arriti më shumë se një gol për një barazim.

Goli i vetëm në këtë pjesë erdhi në minutën e 64-të dhe ishte përsëri Messi, i cili me një supergol shënoi për 2-2 dhe ky doli të jetë rezultati përfundimtar.

Momenti i supergolit nga Messi (Foto: Alex Caparros/Getty Images/Guliver)

Pas këtij barazimi, Barcelona ka 50 pikë në vendin e parë, ndërsa Valencia në vendin e shtatë me 30 pikë.

Në ndeshjen e radhës, Blaugranët udhëtojnë te Athletic Bilbao, ndërsa Los Che e presin Real Sociedadin.

Komento: