Zbulohet e ardhmja e Edinson Cavani.
Ylli i Paris Saint Germain, Edinson Cavani, është në vitin e fundit të kontratës së tij me kampionët e Ligue 1.
Cavani i ishte bashkuar skuadrës së PSG në vitin 2013, kur kalonte nga skuadra e Napoli, duke regjistruar suksese të mëdha në Paris.
Pasi po luan vitin e fundit në kontratën e tij, lojtari thuhej se mund të rikthehej tek Napoli, por një gjë e tillë duket se nuk do të ndodh.
‘Fox Sports’ raporton se uruguaiani është pajtuar për një transferim tek skuadra e David Beckham, Inter Miami, porsa kontrata me PSG të skadojë, transmeton lajmi.net.
Skuadra e Beckham pritet të debutojë në MLS në vitin 2020. Ata deri më tani kanë vetëm tre lojtarë të regjistruar.