Përleshja me Dardan molliqajn, Haki Abazi tregon si ndodhi – Ora Info Ballina | ORAinfo.com - Nuk ndalet
Lajmet e fundit
0 °C

Përleshja me Dardan molliqajn, Haki Abazi tregon si ndodhi

20:29 | 12 Shtator 2019

Një përleshje në mes të dy kandidatëve për deputetë ka ndodhur dje.

Autori i emisionit “Pressing”, në televizionin T7, e përmbylli emisionin më ndryshe, të mërkurën në mbrëmje. Jo gjithçka përfundoi brenda studios.

Në korridorin e kolegjit “AAB”, teksa po dilte nga emisioni, kandidati për deputet i Lëvizjes Vetëvendosje, Haki Abazi, thotë se u sulmua fizikisht nga kandidati i PSD-së, Dardan Molliqaj dhe shoqëruesi i tij.

Krejt kjo ngjarje, sipas Abazit, ndodhi pasi ishte duke u larguar nga studio e emisionit “Pressing”.

Sipas Abazit, disa partive po ju pengon fuqizim i Lëvizjes Vetëvendosje dhe për këtë i ka kapur paniku, raporton T7.

Ndërkohë, gjatë së enjtes, kontakti me Dardan Molliqajn ka qenë i pa mundur.

Por ky, përmes një statusi në Facebook, ka mohuar se e ka sulmuar fizikisht Abazin.

T7 ka tentuar të marrë edhe versionin e kandidatit për deputet nga Partia Demokratike e Kosovës, Rexhep Hotit, për të cilin Haki Abazi tha se e ka parë krejt ngjarjen nga afër.

Me këtë rast tani po merren edhe organet e rendit.

Rasti është hapur nga polica dhe është njoftuar edhe Prokuroria Themelore e Prishtinës.

Në fakt, deri me tani, Haki Abazi është intervistuar nga Policia, e gjatë ditës në pyetje është marrë edhe Dardan Molliqaj.

Këtë e ka konfirmuar ushtruesi i detyrës së Kryeprokurorit të Prishtinës, Kujtim Munishi.

Komento:

VËREJTJE: ORAinfo mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!