Situata në Milano nuk është pozitive. Pas fjalëve të Boban dje, duke kritikuar Gazidis dhe pronarët Elliott, gazetat sugjerojnë që drejtori kroat dhe Paolo Maldini mund të largohen nga klubi në fund të sezonit.

Sky Italia raporton se nuk është vetëm Boban dhe Maldini kundër Gazidis, por përkundrazi i gjithë departamenti teknik është kundër ish-drejtorit të Arsenalit, përcjell ORAinfo.

Kjo situatë ka bërë që pronari i klubit të lëvizjë.

Sipas medieve italiane, shumë shpejt pritet një samit në mes palëve, i organizuar nga Elliott për të shfrytëzuar situatën.

Deri më tani, pronarët nuk kanë folur për situatën, pasi ata kishin mbetur “shumë të zhgënjyer” nga grindja që u shfaq.

Sidoqoftë, ata së shpejti do të bëjnë që zërat e tyre të dëgjohen, të paktën brenda klubit për t’i rregulluar gjërat. /ORAinfo/

Komento:

	Komenti