Kryeqyteti mbrëmë është tronditur nga të shtëna me armë zjarri. Një përplasje e armatosur nga ndodhur mes familjes Sekiraqa dhe Gashi të njohur si Capat. Si pasojë një person ka mbetur i vrarë dhe 5 tjerë janë plagosur

.

Nga të plagosurit, sipas burime të Insajderit në rrezik për jetë është edhe një person tjetër. Burimet bëjnë me dije se bëhet fjalë për Robert Llumnica, 29-vjeçar.

Theksojmë se rruga në “Aktash” si dhe Emergjenca në QKUK janë bllokuar nga Policia e Kosovës.

Të plagosurit që po trajtohen në QKUK po ruhen ne forca të shtuara të policisë.

Ngjarja ka ardhur si pasojë e disa konflikteve që kanë pasur më herët dy familje problematike të Prishtinës. Familja Sekiraqa dhe familjes që njihet si “Capat”.

Insajderi raportoi mbrëmë se si pasojë e të shtënave me armë ka mbetur i vdekur Premtim Gashi, që është pjesëtar i familjes ‘Capat’.

Një nga personat që po trajtohet në QKUK është Salih Sekiraqa.

Mbrëmë drejtori i Klinikës Emergjente në Qendrën Klinike Universitare të Kosovës, Naser Syla ka konfirmuar për Insajderin se pesë persona janë duke u trajtuar aktualisht në Emërgjencë. Sipas tij, tre nga ta janë në gjendje të rëndë ndërsa dy në gjendje më të mirë.

Gjithë konflikti dyshohet se lidhet me problemet që familja e Sekiraqës ka pasur në vazhdimësi me familjen Capat në Prishtinë të cilëve iu plagos një familjar para gjashtë muajsh.

Policia e Kosovës ende s’ka dhënë ndonjë version zyrtar për rastin.

Komento:

	Komenti