Vështirësohet rinisja e sezonit në La Liga.

Pesë futbollistë në dy nivelet më të mira të futbollit spanjoll kanë testuar pozitiv për koronavirus, ka konfirmuar La Liga.

Të gjithë futbollistët profesionistë në La Liga dhe Segunda Division po testohen përpara një rikthimi në stërvitje dhe një rinisje të mundshme të sezonit 2019/20, me Spanjën një nga vendet evropiane që u godit më keq nga pandemia.

La Liga ka konfirmuar se pesë lojtarë kanë testuar pozitiv, por të gjithë janë asimptomatikë.

Identiteti i futbollistëve po mbahet anonim në përputhje me rregullat e mbrojtjes së të dhënave në Spanjë, përcjell lajmi.

Lojtarët tani do të vendosen në izolim dhe do të testohen në ditët në vijim për të parë nëse janë akoma të infektuar. La Liga tha se ata gjithashtu do të ofrojnë teste për familjet e lojtarëve të prekur.

Një nga të prekurit raportohet se është mbrojtësi i Atleticos, Renan Lodi – për të cilin klubi dha një mesazh mbështetës në Tëitter, por pa e konfirmuar nëse është i prekur apo jo.

Komento:

	Komenti