Kosova po vazhdon tw përballet me virusin korona.

Zëdhënësi i Ministrisë së Shëndetësisë, Faik Hoti, ka njoftuar se në Klinikën Infektive të QKUK-së sot janë duke u trajtuar 37 pacientë të prekur nga Covid-19.

Përmes një postimi në Facebook ai ka njoftuar se 32 persona janë në gjendje stabile, pesë kanë nevojë për oksigjeno-terapi, ndërkaq njëri prej të cilëve është duke u trajtuar në kujdesin intensiv të Klinikës Infektive.

Hoti ka thënë se klinika është në pritje të rezultateve për 8 raste të tjera të cilat do të testohen.

“Sa i përket stafit të Klinikës Infektive, përpos infermieres së infektuar me Covid19 dhe e cila është në gjendje të përmirësuar dhe e vetizoluar në shtëpi, të gjithë janë në gjendje të mirë shëndetësore dhe disa prej tyre janë testuar për Covid 19 dhe që të gjithë kanë rezultuar negativ”, thuhet në njoftim.

Komento:

	Komenti