Trajneri i Milanit Stefano Pioli shpreson të mirëpres një mesfushor tjetër para se të fillojë sezoni.

MilanNews shkruan se Pioli tashmë ka një treshe me Franck Kessie, Sandro Tonali dhe Ismael Bennacer për të llogaritur, por për të kompletuar departamentin është i nevojshëm një lojtar tjetër për të mbajtur me dy lojtarë cilësorë për secilën pozitë në 4-2-3-1.

Largimi i Soualiho Meite lë një vrimë për t’u mbushur si zgjedhja e katërt e mesfushorit dhe drejtuesit janë në punë për të identifikuar profilin e duhur.

Dy emra përmenden në raport: Tiemoue Bakayoko i Chelsea dhe Boubacar Kamara i Marseille, përcjell ORAinfo.

Karakteristikë që bashkon të dy, në veçanti, është fizikaliteti, një shenjë e rëndësishme që Pioli ka nevojë të ketë dy mesfushorë të talentuar sportivisht si Kessie.

Bakayoko duket se është jashtë planeve të Chelsea dhe ka një kontratë që skadon në 2022, ndërsa Marseille po përballet me të njëjtën dilemë kontrate me Kamara. /ORAinfo/

Komento:

	Komenti