Bosi i Milanit, Stefano Pioli u ka bërë kërkesën e tij të parë drejtuesve të klubit që nga rinovimi i kontratës së tij.

Sipas asaj që po raportojnë il Corriere della Sera të premten, Pioli tashmë ka kërkuar nga drejtori Ivan Gazidis që të mbajë Zlatan Ibrahimovic.

Trajneri i kuqezinjve ka një marrëdhënie të mirë me qendërsulmuesin suedez, i cili është bërë lideri i grupit që nga kthimi i tij në Milano, përcjell ORAinfo.

Rinovimi i kontratës së Ibrahimoviç nuk është i lehtë për shkak të kërkesave të tij për pagë, ndërsa duhet të konsiderohet se ai tashmë ka pasur disa përplasje me Gazidis.

Ibrahimoviç nuk i ka fshehur dyshimet e tij për menaxhimin dhe planet e klubit.

Sidoqoftë, Pioli shpreson që Zlatan të mbetet, mbase me përfshirjen e Paolo Maldini për ta bindur atë.
Ky i fundit e kishte sjellë suedezin përsëri në Milano së bashku me Zvonimir Boban, prandaj ai mund të jetë vendimtar në negociata.

Palët do të takohen në fund të sezonit megjithëse dhe jo më parë. /ORAinfo/

Komento:

	Komenti