Ndryshe nga raportimet e fundit, trajneri i Milanit, Stefano Pioli nuk do të luajë me Simon Kjaer në miqësoren e ardhshme të së shtunës kundër FC Koln.

Pas fitores 3-0 kundër skuadrës amatore Lemine Almenno në Milanello në një miqësore 60-minutëshe për të nisur fushatën parasezonale, të gjithë sytë janë tani te ndeshja e Telekom Cup në Gjermani këtë fundjavë që vjen si testi i parë kuptimplotë, përcjell ORAinfo.

Kishte zëra se Kjaer mund të kthehej në fushë pasi nuk kishte luajtur në një situatë loje që nga dëmtimi i ligamenteve gjatë fitores ndaj Genoas në dhjetor, duke kërkuar një operacion që e ka mbajtur atë jashtë që atëherë.

Megjithatë, Milan TV po raporton se mbrojtësi danez do të vazhdojë programin e tij stërvitor në mënyrë që të jetë 100% gati gjatë javëve të ardhshme, pasi gjëja më e rëndësishme është që ai të jetë në dispozicion për ndeshjen hapëse të sezonit kundër Udineses në San Siro më 13 gusht. /ORAinfo/

Komento:

	Komenti