Plagosja në Skenderaj, djali dhe vëllai i Nuredin Lushtakut dyshohet se janë arratisur në bregdetin shqiptar – Ora Info Ballina | ORAinfo.com - Nuk ndalet

Plagosja në Skenderaj, djali dhe vëllai i Nuredin Lushtakut dyshohet se janë arratisur në bregdetin shqiptar

22:00 | 03 Korrik 2022

Një plagosje ka ndodhur mbrëmë në Skenderaj.

Arbër Lushtaku, djali i Nuredin Lushtakut bashkë me xhaxhain e tij Arif Lushtakun ( vëllai i Nuredin Lushtakut) janë në kërkim pas sherrit të mbrëmshëm me Policinë e Kosovës, raporton Gazeta Insajderi.

Dyshja, dyshohet se janë arratisur në bregdetin shqiptar. Burime të Gazetës Insajderi rrëfejnë se ata aktualisht ndodhën në Shëngjin.

Ata janë në shoqërinë e njëri tjetrit në këtë vend, thotë ky burim.

E krejt sherri nisi kur dy policë i shqiptuan gjobë trafiku djalit të ish-nënkryetarit të Skenderajt, Nuredin Lushtakut, e cila atyre u kushtoi me sulm.
Dy zyrtarët policorë mbetën të plagosur, njëri si pasojë e armës së zjarrit që ende nuk është konfirmuar se nga kush u shkrep, e tjetri për shkak të mjeteve të forta.

Për sulmin ndaj Policisë u arrestua Nuredin Lushtaku por pas intervistimit u lirua në procedurë të rregullt.

Arbri bashkë me xhaxhain e tij, Arifin gjenden akoma në arrati, ndërkohë që Nuredin Lushtaku me vëllain tjetër janë liruar në procedurë të rregullt.

Komento: