Në mars planifikohet të nis gjykimi ndaj Thaçit dhe të tjerëve, Prokuroria thotë se janë gati, avokatët pajtohen.

Gjykata Speciale synon që gjykimi ndaj ish-krerëve të UÇK-së, Hashim Thaçi, Kadri Veseli, Rexhep Selimi e Jakup Krasniqi të nis më 1 mars.

Në konferencën përgatitore, kryetari i trupit gjykues, Charles Smith i pyeti palët nëse ka ndonjë pengesë që gjykimi të fillojë në mars, ashtu siç është planifikuar, dhe ata parimisht u pajtuan për këtë, raporton Gazeta Express.

“Ne jemi gati që ky gjykim të fillojë në mars dhe jemi gati të fillojë më 1 mars. E di që Mbrojtja propozon një datë në fund të marsit në seancën e fundit. Të jemi të qartë, nuk e kundërshtojmë ne, por duam që gjyqi së paku të fillojë këtë muaj dhe pastaj të kemi prezantimin e provave”, tha një prokuror nga Zyra e Prokurorit të Specializuar.

Ben Emmerson, avokat i Kadri Veselit, tha se s’ka arsye që gjykimi të mos nis në mars.

“Parimisht, nuk ka asnjë arsye që të mos fillojmë më 1 mars”, u shpreh ai, duke theksuar se këta muaj ai dhe kolegët e tij do të kenë punë të vështirë.

Edhe avokatët e të akuzuarve tjerë thanë se duan që gjykimi “të fillojë sa më shpejt të jetë e mundur”.

Komento:

	Komenti