Milan është duke bërë punë të mirë në ndeshjet e fundit, ndërsa rossonerët aktualisht janë të tretë në renditjen italiane të Serie A.

Ekipi i Rino Gattuso ka qenë vërtet solid në mbrojtje që prej muajit dhjetor, pasi AC Milan ka një nga linjat më të mira në Europë për momentin në mënyrë statistikore, përcjell ORAinfo.

Real Madrid dhe Chelsea thuhet se janë interesuar për Romagnolin gjatë javëve të fundit, por sipas Fabrizio Romano të Calciomercato, menaxheri i Milanit e sheh kapitenin e tyre si të paprekshëm.

Alessio Romagnoli është shumë i lumtur në Milan, sepse qëllimi i tij është të qëndrojë në klub për shumë sezone të tjera.
Ai mori oferta të rëndësishme në të kaluarën dhe do të marrë disa në të ardhmen, por dëshiron të luajë futboll me rossonerët në vitet që vijnë.

Antonio Conte me të vërtetë u përpoq ta fitonte atë gjatë ditëve të tij si trajner i Chelsea, por nuk arriti ta bënte këtë.

Me Milan tani duke luajtur shumë më mirë, Alessio dëshiron të vazhdojë të udhëheqë Milanin kur ai ndjehet i rëndësishëm në projektin e tyre.

Tifozët e Rossonerëve mund të qëndrojnë të qetë, kapiteni i tyre do të qëndrojë për një kohë. /ORAinfo/

Komento:

	Komenti