Sulmuesi i Leeds United, Raphinha thuhet se është i hapur për t’u bashkuar me Manchester United këtë verë.

25-vjeçari ishte në formë mbresëlënëse për bardhezinjtë gjatë sezonit 2021-22, duke bërë 36 paraqitje në të gjitha garat, duke kontribuar 11 gola dhe tre asistime në këtë proces, përcjell ORAinfo.

Ndërkohë, ai ka shënuar 17 gola dhe ka regjistruar 12 asistime në 67 paraqitje për bardhezinjtë që nga kalimi nga Rennes në vitin 2020.

Leeds arriti të shmangë rënien nga Premier League 2021-22, por brazilianit i kanë mbetur vetëm pak më shumë se dy vjet për të përfunduar kontratën e tij në Elland Road dhe besohet se është i etur për të kërkuar kullota të reja gjatë afatit kalimtar të kësaj vere.

Barcelona vazhdon të jetë e lidhur fort me sulmuesin, ndërsa Arsenali dhe Man United së fundmi janë vlerësuar me interes për shërbimet e tij.l/ORAinfo/

Komento:

	Komenti