Pogba nuk do të qëndrojë te Man United.

Te Manchester United gjithçka nis të rrotullohet përqark Paul Pogba.

Që kur trajneri norvegjez, Ole Gunnar Solskjaer ka zbarkuar te “Djajt e Kuq”, melodia duket se ka ndryshuar për mirë në favor të mesfushorit francez, me kampionin e botës në fuqi që ka aktivizuar turbon.

Aq sa për të ndezur gjithashtu edhe interesimin serioz të Real Madrid, kandidat potencial për të siguruar shërbimet e Pogba për sezonin e ardhshëm.

Në fakt, sipas ish-futbollistit të Inter dhe përfaqësueses së Anglisë, Paul Ince, Pogba nuk do të jetë pjesë e Manchester United sezonin e ardhshëm.

“Solskjaer ka nevojë ta bindë se do të ndërtojë skuadrën rreth tij. Sinqerisht nuk mendoj se Pogba do të qëndrojë në ‘Old Trafford’ për sezonin e ardhshëm”, u shpreh ish-legjenda e Anglisë.

“Është gjithmonë e vështirë kur Real vjen të trokasë në portën tënde dhe nuk jam i sigurtë se Pogba të jetë vendosur në favor të United, që kur është rikthyer. Tashmë është detyrë e Ole për të bindur disa futbollistë si Pogba, De Gea, që janë më mirë në ‘Old Trafford’”, deklaroi Ince.

Komento:

	Komenti