Ka përfunduar aksioni për dhurimin vullnetar të gjakut, në Policinë e Kosovës, aksion ky i organizuar nga Drejtoria e Shërbimeve Shëndetësore, në bashkëpunim më Qendrën e Transfuzionit te Gjakut në Kosovë, përgjatë muajve qershor, korrik dhe gusht.
Gjatë këtij aksioni u dhuruan 417 doza gjak, nga pjesëtarët e Policisë së Kosovës, e që ndihmuan në nevojën e shpëtimit të jetëve.
Në njoftimin e policisë thuhet gjithashtu se, ”punonjësit e Policisë së Kosovës përveç përkushtimit në detyrë për ruajtjen e rendit dhe sigurisë së qytetarëve të vendit, janë gjithmonë të gatshëm edhe për aksione humanitare si ky i Dhurimit Vullnetar i gjakut”.