Policia e Kosovës me kërkesë për mërgimtarët – Ora Info Ballina | ORAinfo.com - Nuk ndalet

Policia e Kosovës me kërkesë për mërgimtarët

14:01 | 31 Korrik 2021

Policia e Kosovës ka një kërkesë për mërgimtarët.

Pas fluksit të madh të veturave në vendkalimin kufitar në Merdare, Policia e Kosovës ka apeluar te mërgimtarët që të shfrytëzojnë edhe pikat e tjera kufitare.

Sipas Policisë, pritjet për të kaluar kufirin në Merdare, po zgjasin deri në katër orë.

“Departamenti i Kufirit i Policisë së Kosovës, njofton të gjithë qytetarët, në veçanti bashkatdhetarët që janë duke shfrytëzuar Pikën e Kalimit Kufitar Merdare për hyrje-daljen për në Republikën e Kosovës, se: për shkak të fluksit tepër të madh të udhëtareve me vetura, pritjet aktualisht (ora 12:29, datë 31.07.2021) në hyrje/dalje janë nga 200 deri në 240 minuta (shih tabelën më poshtë)”, thuhet në kërkesën e Policisë.

Policia ka apeluar te mërgimtarët që të shfrytëzojnë vendkalimet kufitare në Mutivodë, Dheu i Bardhë apo edhe Jarinjen, ku s’ka pritje të gjata.

“Andaj, kërkojmë, lusim në veçanti bashkatdhetarët, që në fakt janë shumica dërmuese e atyre që po presim me orë të tëra në këtë pikë kufitare, të shfrytëzojnë edhe pikat tjera kufitar, si: Pikën e Kalimit Kufitar Mutivodë, Dheu i Bardhë, por edhe atë në Jarinje ku aktualisht nuk ka pritjet të gjata”, thuhet tutje në kërkesë.

Komento: