Po vazhdon edhe më tutje sekuestrimi i gjërave me vlerë të rusëve.

Policia financiare italiane ka sekuestruar vila, shtëpi dhe jahte me vlerë 143 milionë euro (më shumë se 150 milionë dollarë) nga pesë oligarkë rusë, tha policia të shtunën në një deklaratë.

Njësia Speciale e Policisë Financiare, në bashkëpunim me Njësinë e Policisë Ekonomike dhe Financiare të Imperia-s dhe Departamentin Operacional Aeronaval të Xhenovas, ekzekutuan të premten urdhra për ngrirjen e aseteve kundër oligarkëve të shumtë rusë, thuhet në deklaratë.

Urdhrat e ngrirjes u ekzekutuan kundër personave të mëposhtëm:

Alexey Alexandrovits Mordaschov: jahti Lady M, i vendosur në portin e Imperia, me vlerë rreth 65 milionë euro (rreth 71 milionë dollarë)

Gennady Nikolayevich Timchenko: jahti Lena, i vendosur në portin e San Remos, me vlerë rreth 50 milionë euro (rreth 55 milionë dollarë)

Alisher Usmanov: përmbledhje e pasurive të paluajtshme e vendosur në Golfo del Pevero në Arzachena, me vlerë rreth 17 milionë euro (rreth 18 milionë dollarë)

Vladimir Roudolfovich Soloviev: prona të vendosura në provincën e Komos me vlerë rreth 8 milionë euro (rreth 8.7 milionë dollarë)

Oleg Savchenko: vilë e shekullit të shtatëmbëdhjetë e quajtur “Villa Lazzareschi” e vendosur në provincën e Lucca, me vlerë rreth 3 milion euro (rreth 3.3 milion dollarë)

Këto masa kufizuese vijnë pasi Këshilli i BE-së vendosi sanksione ndaj disa personave dhe subjekteve për agresionin ushtarak të Rusisë kundër Ukrainës.

Komento:

	Komenti