Policia jep detaje për të huajin që u dogj në shtëpinë e tij, dyshohet se u privua nga jeta me armë – Ora Info Ballina | ORAinfo.com - Nuk ndalet

Policia jep detaje për të huajin që u dogj në shtëpinë e tij, dyshohet se u privua nga jeta me armë

11:21 | 27 Shkurt 2021

Policia e Kosovës ka dhënë detaje të reja për shtetasin e huaj që u gjet dje i vdekur në një shtëpi në rrugën “Misine Kokollari”, në Prishtinë.

Sipas policisë, fillimisht u raportuar se shtëpia ishte kapluar nga zjarri, e ku pas intervenimit të policisë, brenda shtëpisë është gjetur edhe një person i vdekur.

Trupi i të ndjerit është shkuar për obduksion.

Rasti nga policia është cilësuar si privim nga jeta.

“Rr. Misine Kokollari, Prishtinë 26.02.2021 – NN. Raportohet se pas pranimit të një informatë se është kapluar nga zjarri një shtëpi, në vendin e ngjarjes kanë dalë njësitet përkatëse, ku gjatë shuarjes së zjarrit ekipi i zjarrfikësve, ka hasur në një person pa shenja jete. Ekipi i ndihmës se shpejte ka konstatuar vdekjen e viktimës. Me vendim të prokurorit, trupi i pa jetë dërgohet në IML për obduksion”, thuhet në njoftimin e policisë.

Komento: