Sipas Policisë së Kosovës, një kontroll e tillë e shtuar është bërë pasi vazhdimisht në këto rrugë ndodhin aksidente duke përfshirë edhe raste me fatalitet.
“Njësia e komunikacionit rrugor pran Drejtorisë Rajonale të policisë në Pejë, do të vazhdoj me aktivitetin e shtuar policor bashkë me inspektor të Ministrisë por edhe ata komunal që të kryejmë punën tonë ligjore. Sepse edhe përkundër punës së pa ndalur në rrugët e vendit vazhdojmë të kemi aksidente të ndryshme, me ketë edhe humbje jete. Andaj në vazhdimësi do ju bëjmë apel për respektim të legjislacionit nga kompanitë transportuese si të mallrave ashtu edhe të udhëtarëve, mirëpo edhe thirrje qytetarëve për kujdes maksimal gjatë qarkullimit në rrugë”, thuhet në njoftimin e Policisë.