Politikani serb, Çedomir Jovanoviq, ka thënë se Serbia nuk do të mund ta kthejë më Kosovën dhe se ideja e ringjallur për një Serbi të madhe do të jetë e dëmshme për shumkë.

Jovanoviq njihet si politikan me qasje pro përendimore. Madje në Serbi cilësohet si një nga të rrallët e kësaj natyre, shkruan lajmi.net.

Në një intervistë për “Vecernji List”, Jovanoviq thotë se Serbia s’mund ta humbë dy herë të njëjtën gjë.

Ai thotë se duhet të paguash çmim kur tejkalon atë se çka është realitet dhe nevojë.

“Ne s’mund të humbim një gjë për së dyti herë. Kam frikë se zgjuarja e fundit nga ëndrra për Serbinë e Madhe do të jetë e dhimbshme për shumëkë, por normalisht duhet të paguash çmim kur tejkalon realitetin”, thotë ai.

Jovanoviq tutje thotë se nuk ka asnjë rezolutë që mund ta rikthejë Kosovën.

“Ne po ndihemi si një shtet që s’dijmë as çka veprojmë me veten tonë, lere më të dijmë çka të bëjmë me një milion e gjysmë shqiptarë që 20 vite e kanë krijuar Kosovën e pavarur”, thotë ai.

Siç shprehet ai, presidenti serb, Aleksander Vuçiq është i vetëm në zgjedhjen e problemit me Kosovën.

Sipas tij, askush nuk mund ta ndihmojë Vuçiqin në këtë aspekt.

Arsyeja për këtë sipas tij është se marrëveshja finale nuk është vetëm një akt i kurajos.

“Vuçiq është vetëm në zgjedhjen e çështjes së Kosovë, dhe askush nuk mund ta ndihmojë atë sepse zgjidhja e këtij problemi nuk kërkon vetëm kurajo dhe pragmatizëm politik. Këtu ka gjëra shumë më të mëdha, dhe mendoj që ai është në dijeni për këtë”, ka thënë Jovanoviq.

Theksojmë se dialogu mes Kosovës e Serbisë tashmë ka hyrë në një fazë bllokimi pas vendosjes së taksës.

Pengesë për këtë proces, sipas shumë analistëve do të jetë edhe mbajtja e zgjedhjeve të parakohshme në Kosovë.

Komento:

	Komenti